Poème : a cassandremignonne allons voir si la rosequi ce matin avoit desclosesa robe de pourpre au soleil a point perdu ceste vespreeles plis de sa robe pourpree et son teint au vostre pare - poemes
poème 1
A Cassandre
Mignonne, allons voir si la rose
Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.
Las ! voyez comme en peu d'espace,
Mignonne, elle a dessus la place
Las ! las ses beautez laissé cheoir !
Ô vrayment marastre Nature,
Puis qu'une telle fleur ne dure
Que du matin jusques au soir !
Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.
[ Mignonne, allons voir si la rose ]
Poèmes de Pierre de Ronsard
Citations de Pierre de Ronsard
Livres de Pierre de Ronsard
Donner votre avis
Imprimer le poème
| Envoyer à un ami
95 votes
